ҚЫЗМЕТТЕР

West Dala компаниясы әртүрлі әдістер мен өңдеу технологияларын қолдана отырып, мұнай және газ кен орындарындағы тарихи ластануды жою бойынша қызметтерді ұсынады. Бір ғана мысал, «Маңғыстамұнайгаз» АҚ (ММГ) мен “West Dala” арасындағы келісім аясында Қарақиян ауданындағы жұмыстар.

Өткен аптада баспасөз туры барысында журналистер мен мемлекеттік органдардың өкілдері мұнай қалдықтарын тазарту барысымен танысты. Негізгі топырақ өңдеу жұмыстары биоремедиация өңдеуге арналған. Негізгі келісім-шарт бойынша көлемі 87 818 тонна болса, оның 59 461 тоннасы қазіргі уақытта тазартылып, тазартылған топырақтар қалпына келтірілді.

Баспасөз турында атап өтілгендей, барлық топырақ тазалау жұмыстары 2019 жылы Қазақстан Республикасы Экология, геология және табиғи ресурстар министрлігі мен «ҚазМұнайГаз» ҰК АҚ арасында жасалған қоршаған ортаны қорғау саласындағы меморандумға сәйкес жүргізілуде. Оның мақсаты – мұнаймен ластанған аумақтарды тазарту. Ластанған топырақтарды қауіпсіз деңгейге дейін тазартқаннан кейін үшінші тарап тәуелсіз аккредиттелген мердігер зертханалар, “ММГ” АҚ және Маңғыстау облысы бойынша экология департаменті талдау жүргізеді. Талдаудан оң нәтиже алғаннан кейін өңделген топырақ тазартылған аумақты мелиорациялауға пайдаланылады және мемлекеттік бақылау органдарына және Қарақиян ауданы әкімдігіне беріледі.

 

 

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×