1000 КҮН

2026 жылғы 7 ақпанда қол жеткізілген маңызды көрсеткіш — 1000 күн бойы өндірістік жарақаттарсыз және еңбекке қабілеттілікті жоғалту жағдайларынсыз жұмыс істеу құрметіне, 13 наурыз күні West Dala компаниясының басшылығы Теңіз кен орнындағы мұнайшламын бөлу жобасының қызметкерлерін құттықтады.

Жобаның мобилизациясы 2023 жылғы 14 наурызда басталып, осы уақыт ішінде компания қызметкерлері арасында еңбекке қабілеттілікті жоғалтуға әкелген бірде-бір оқиға тіркелген жоқ.

Маңызды өндірістік көрсеткішке қол жеткізуге байланысты Жоба нысанында West Dala компаниясының жоғары басшылығы, мердігер компания — «Теңізшевройл» ЖШС (ТШО), ТШО-ның қауіпсіздік техникасы бөлімі өкілдері және мұнай резервуарлық паркін пайдалану бөлімдерінің басшылары қатысқан ресми іс-шара өтті. Дәл осы нысандарда мұнайшламын шығару және тасымалдау жұмыстары жүргізіледі.

Алғыс хаттармен, марапаттармен және естелік сыйлықтармен Жоба қызметкерлерінің жетістіктері мен қосқан үлесі атап өтілді. Олардың күнделікті тәртібі, мұқияттылығы және еңбек қауіпсіздігі талаптарын сақтау жұмыстың тұрақты әрі қауіпсіз орындалуын қамтамасыз етті.

Іс-шара барысында қатысушылар қауіпсіздік және еңбекті қорғау талаптарының жоғары деңгейде орындалуын ерекше атап өтті. Жобаның бұл жетістігі барлық қатысушылардың бірлескен еңбегінің нәтижесі екені, әсіресе өндірістік алаңдарда жұмыс істейтін қызметкерлердің қауіпсіздік ережелерін қатаң сақтауына байланысты екені айтылды.

Мұнайшламын бөлу жобасының әрбір қызметкеріне кәсібилігі, жеке жауапкершілігі және қауіпсіздік мәдениетіне адалдығы үшін алғыс білдіреміз.

 

 

 

 

        

        

        

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

West Dala компаниясының қызметкерлері Маңғыстау облысы Экология департаменті ұйымдастырған Ақтау қаласының аумақтарын тазалау акциясына қатысты. Сонымен қатар, Атырау облысы Табиғи ресурстар және табиғат пайдалануды реттеу басқармасының ұсынысын қолдап, Атырау қаласындағы Жеңіс саябағын тазалау және абаттандыру жұмыстарына атсалысты.

Сағат 20:30-дан 21:30-ға дейін табиғат пен планета ресурстарына жауапкершілікпен қарау қажеттілігіне назар аудару мақсатында «Жер сағаты» халықаралық экологиялық акциясы өтті. Биыл Қазақстандағы «Жер сағаты» еліміздің табиғатын сақтау тақырыбына арналды.

×