West Dala-да жаңа жыл маусымы ашық!

West Dala-да жаңа жыл маусымы ашық! Біздің компания объектілерінің бірінің қызметкерлері қайта өңделген материалдардан әдемі жасыл шырша мен Аққала жасады. Мүсіндер қолданылған шиналарға негізделген, олар шамдармен, металлмен, ПЭТ бөтелкелерімен, ағашпен және тіпті Big Bag сөмкесімен безендірілген.
Бұл фигуралар Жаңа жылдық рәміздер мен күнделікті өмірде қолданылатын заттарды қайта өңдеу идеясын тамаша үйлестіреді. Қиял мен шебер қолдың арқасында қайта өңделетін материалдар жаңа өмірге ие болды, ал шырша мен Аққала керемет жаңа жылдық көңіл-күй сыйлады! 

Іске асыру үшін біз сұрыптау учаскесі (СУ) және әкімшілік шаруашылық бөлімінің (ӘШБ) командасына - Саймурзиев Қанат, Жакаков Мухамбет, Губашев Рашид, Даулетов Еркин, слесарь - Токешов Галымбек, тамақ таратушы - Камиева Айнур, медбике - Қадыржанова Фаризатқа алғысымызды білдіреміз.

Баршаңызды келе жатқан Жаңа Жылмен құттықтаймыз!

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×