ВЕСТ ДАЛА ЖӘНЕ IRONMAN

Әріптесіміз Гаухар Бекетаева Ironman сериясының триатлоннан беделді спорттық жарысында мәреге сәтті жетті! Ол Нұр-Сұлтан қаласында BI Group Ironman Kazakhstan-мен қатар өткен BI Group Ironman 70.3 Astana жарысының қатысушысы болды.

Гаухар эстафеталық команда құрамында болып, 21,1 км жүгіру бағдарламасын орындады. «Бұл менің алғашқы Ironman жарысым. Мен 100% бар күшімді салып, қашықтықты 2 сағат 6 минутта жүгіріп өттім», - дейді Гаухар. Жарыс 2019 жылдан бастап пандемияға байланысты кейінге қалдырылды және осы жылдың 14 тамызында әлемнің 56 елінен 1700 триатлет қатысқан осындай ауқымды іс-шарада Гаухар өзін көрсете білді.

«Мен West Dala логотипі бар жүгіру жарысына қатысып, осы жарыста біздің туымызды көтергеніме қуаныштымын», - деді Гаухар. Естеріңізге сала кетейік, біздің әріптесіміз «ISKER» Консорциумы» ЖШС компаниясы ұйымдастырған дәстүрлі жүгіру жарысында 25 минут ішінде 5 км қашықтықты жүгіріп өтіп, «35 жасқа дейінгі әйелдер» санатында үздік атанды.

Оның жоспарында жаттығуларды жалғастыру және келесі іс-шарада жарыстың барлық үш кезеңін аяқтай отырып, Ironman атағына үміткер болу бар.

Гаухарды кезекті жеңісімен құттықтаймыз және оның спорттық арманы міндетті түрде жүзеге асуын тілейміз!

 

 

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×