ТӘУЕКЕЛДЕРДІ БАСҚАРУ

Шілде айында ББЖ қайта сертификаттау аудитінің қорытындылары бойынша ұсыныстарды орындау аясында «Тәуекелдерді басқару» тақырыбында оқыту өтті.

Тренингке West Dala компаниясының бөлім басшылары мен өндірістік учаске жетекшілерінен құралған 16 қызметкер қатысты.
Intertek өкілі — Уиллмот Саним Нұрсафақызы — оқыту барысында жұмыстарды жоспарлау және өндірістік процестердегі тәуекелдерді анықтау, сондай-ақ компания бизнесіндегі жалпы тәуекелдерді саналы басқару арқылы азайту жолдары туралы айтты.

Комплаенс бөлімінің бастығы Жанболат Елубаев:
— Семинар өткізу бөлімдер деңгейінде тәуекелдерді жоспарлау, бағалау және азайтуға қатысты тәсілдерді бірыңғай түсінуді қамтамасыз етті. Барлық басшылар тәуекелдерді бағалау және басқару саласындағы озық тәжірибелермен, сондай-ақ ISO 31000 стандарттарымен танысты. Осылайша, күнделікті операциялық қызметте тәуекелдерді басқарудың жүйелі тәсілін енгізуге негіз қаланды.

 

 

 

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×