West Dala компаниясының «Прорва» Қалдықтармен жұмыс жасау кешеніндегі (ҚЖК) тоғаны шаруашылық-тұрмыстық ағынды суларды басқару және экологиялық тепе-теңдікті сақтау мақсатында жасалған. Алайда, бұл тоған флора мен фауна үшін табиғи оазиске айналды. Оны шағалалар мен басқа да құстар мекендеп, жылы мезгілде ұя салып, балапан басып шығарады.
Студенттер – біздің болашағымыз.
3 қыркүйек күні Х. Досмұхамедов атындағы Атырау университетінде “Қалдықтарды басқару” бағдарламасының бірінші курс студенттерінің «West Dala» ЖШС, Атырау облысы бойынша «Қазгидромет» РМК филиалы, «Ақжайық» мемлекеттік табиғи резерваты және «Спецавтобаза» ЖШС өкілдерімен кездесуі өтті. Адаптациялық бағдарлама аясында студенттер сарапшылармен сұхбаттасып, әрбір кәсіпорынның презентацияларымен танысты.
Экология кафедрасының меңгерушісі Мансия Есенаманова кездесуде былай деді: біздің компаниямен серіктестік екі жыл бұрын басталған. Университет пен «West Dala» ЖШС мамандарының бірлескен күш-жігерінің арқасында биылдан бастап “Қалдықтарды басқару” атты жаңа білім беру бағдарламасы іске қосылды.
«West Dala» ЖШС-нің АРжӨҚ бөлімі бастығы Сағытжан Уралбаев бағдарламаның алғашқы студенттерін құттықтап, былай деді: Білім беру бағдарламасын енгізу – қалдықтарды кешенді басқару саласындағы мамандарды даярлаудың маңызды қадамы, себебі еңбек нарығында осы салада білікті мамандардың тапшылығы байқалады. Сіздердің экологиялық басқару болашағына сенімді үлес қосатыныңызға сенемін.
Бұл бастама студенттерге жаңа мүмкіндіктер ашып, қалдықтарды басқару саласындағы олардың біліктілігі мен кәсібилігін арттыруға ықпал етеді.
.jpg)
.jpg)