СТУДЕНТТЕР

Студенттер – біздің болашағымыз. 

3 қыркүйек күні Х. Досмұхамедов атындағы Атырау университетінде “Қалдықтарды басқару” бағдарламасының бірінші курс студенттерінің «West Dala» ЖШС, Атырау облысы бойынша «Қазгидромет» РМК филиалы, «Ақжайық» мемлекеттік табиғи резерваты және «Спецавтобаза» ЖШС өкілдерімен кездесуі өтті. Адаптациялық бағдарлама аясында студенттер сарапшылармен сұхбаттасып, әрбір кәсіпорынның презентацияларымен танысты. 

Экология кафедрасының меңгерушісі Мансия Есенаманова кездесуде былай деді: біздің компаниямен серіктестік екі жыл бұрын басталған. Университет пен «West Dala» ЖШС мамандарының бірлескен күш-жігерінің арқасында биылдан бастап “Қалдықтарды басқару” атты жаңа білім беру бағдарламасы іске қосылды. 

«West Dala» ЖШС-нің АРжӨҚ бөлімі бастығы Сағытжан Уралбаев бағдарламаның алғашқы студенттерін құттықтап, былай деді: Білім беру бағдарламасын енгізу – қалдықтарды кешенді басқару саласындағы мамандарды даярлаудың маңызды қадамы, себебі еңбек нарығында осы салада білікті мамандардың тапшылығы байқалады. Сіздердің экологиялық басқару болашағына сенімді үлес қосатыныңызға сенемін. 

Бұл бастама студенттерге жаңа мүмкіндіктер ашып, қалдықтарды басқару саласындағы олардың біліктілігі мен кәсібилігін арттыруға ықпал етеді.

 

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×