СЕНБІЛІК

Ретро-парктағы сенбілік  

Атырауда «Таза Қазақстан» акциясы аясында экологиялық іс-шаралар жалғасуда. Өткен аптада Ретро-паркте кезекті «Таза парк» акциясы өтті, оған түрлі ұйымдардан 250 қызметкер, соның ішінде West Dala компаниясының жұмысшылары қатысты.

«Біздің ұжым әрдайым мемлекеттік органдардың осындай экологиялық акцияларға қатысу туралы шақыруларына үн қосып, Атырауды одан әрі таза және жасыл етуге атсалысады», - деп атап өтті әріптесіміз Қуанғали Елубаев, ол мұндай іс-шараларға үнемі белсенді қатысады. Жарты күннің ішінде көптеген пайдалы жұмыстар атқарылды: саябақ аумағы суарылып, газон төсеуге және суару жүйесін орнатуға дайындалды.

Сонымен қатар, қатысушылар балалар алаңын және қоқыс жәшіктерін тазалап, шамамен 50 тонна қоқыс жинады.

Қаламыз әрдайым таза және көрікті болсын!

 

 

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×