SDG Ambition

2024 жылдың 28 наурызында West Dala компаниясы БҰҰ-ның сарапшылары компаниялардың стратегиялық және операциялық қызметіне 17 Тұрақты даму мақсатын (ТДМ) біріктіріп, қолдануға әзірлеген білім беру курсы – SDG Ambition бағдарламасына қатысуын аяқтады. Бұл бағдарлама алғаш рет Орталық Азия елдерінде жүзеге асырылып, үлкен қызығушылық тудырды - акселераторда Қазақстан, Өзбекстан және Қырғызстаннан 40 компанияның 100-ден астам өкілі қатысты. Нәтижесінде 31 компанияның 62 өкілі оқуын сәтті аяқтай алды. Өткен шарада барлық өкілге БҰҰ-ның Қазақстандағы Тұрақты координаторы Микаэла Фриберг-Стори ханым мен Қазақстандағы БҰҰ-ның жаһандық шартының елдік координаторы Динара Сейджапарова ханымның қолынан БҰҰ-ның жаһандық шартының сертификаттары табыс етілді. Тұрақты даму мақсаттары (ТДМ) – бұл теңсіздікпен күресуге, сондай-ақ планетаны қорғауға және бүкіл халық үшін бейбітшілік пен өркендеуді қамтамасыз етуге бағытталған жаһандық қабылданған мақсаттар. Акселераторға қатысу ESG трансформациясын ілгерілетуге және Тұрақты даму мақсаттарын West Dala компаниясының операциялық қызметіне біріктіруде көмектесуге арналған, бұл шара өз кезегінде қаржылық көрсеткіштерді жақсартып, инвестициялық тартымдылықты арттырады.

 

                            

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×