САЙТҚА КІРУ

West Dala компаниясының ҚБК нысанына жұмыс сапарымен «Аккредиттеудің тәуелсіз Қазақстандық орталығы» КМ сараптамалық комиссиясының делегациясы келді. Сапардың мақсаты — Х. Досмұхамедов атындағы Атырау университетінің «Қалдықтарды басқару» білім беру бағдарламасы бойынша студенттердің өндірістік тәжірибе базасын бағалау. Айта кетейік, бұл бағдарлама экология кафедрасында West Dala компаниясының мамандарының белсенді қатысуымен әзірленген болатын.

ҚБК аумағында тәуелсіз сарапшылар студенттердің тәжірибеден өтуіне жасалған жағдайлармен танысты. Ерекше көңіл қауіпсіздік мәселелеріне, техникалық жабдықталуға және кәсіби даярлау талаптарына сай практикалық дағдыларды меңгеру мүмкіндігіне бөлінді. Сонымен қатар, комиссия сапары аясында бір күн бұрын West Dala компаниясының экологы Айнагүл Сағиева НКОК Н.В. және “Терен Ой” ЖШС өкілдерімен бірге сарапшылармен кездесу өткізіп, компаниялардың білім беру үдерісіне қатысуы туралы баяндады.

Білім беру мекемелерімен осындай өзара іс-қимыл — экологиялық менеджмент және қалдықтарды тұрақты басқару саласында білікті мамандар даярлауға бағытталған маңызды қадам.

 

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×