ОҚУ БАҒДАРЛАМАСЫ

Бүгін — Экологиялық білім күні. Бұл — білімнің Жерімізді сақтаудағы рөлі туралы ойлануға себеп болатын маңызды күн. Бұл күн 1992 жылы БҰҰ-ның конференциясында белгіленіп, алғаш рет халықаралық деңгейде халықтың экологиялық сауаттылығының маңызы атап өтілді. Мұндай білімді әсіресе жастар арасында кеңінен тарату өте маңызды. Себебі дәл осы жастар ертең қоғамның дамуына ықпал етіп, маңызды шешімдер қабылдайтын болады.

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді. Бұл бағдарламаны әзірлеуге West Dala компаниясы белсенді қатысты. Осы аптада біз университетке барып, сабақтардың қалай өтетінін көрдік. Біздің серіктесіміз – техника ғылымдарының кандидаты, Х. Досмұхамедов атындағы Атырау университетінің «Экология» кафедрасының меңгерушісі Мәнсия Санаққызы Есенаманова бүгінгі таңда білім беру бағдарламасының құрылуы мен жүзеге асырылуы туралы айтып берді. Бағдарламаның тәжірибе жүзінде жұмыс істеп жатқанын көргенімізге қуаныштымыз: студенттер белсенді қатысып жатыр, оқытушылар өз тәжірибелерімен бөлісуде, ал қалдықтарды басқару тақырыбы оқу үдерісінің бір бөлігіне айналуда.

Биыл компаниямыздың 20 жылдығы қарсаңында біз Х. Досмұхамедов атындағы Атырау университетінде қолдаған оқу бағдарламасының табысты дамып келе жатқанын мақтанышпен атап өтеміз. Болашақ экологтар кәсіби пәндермен қатар, қалдықтарды тиімді басқару мен қоршаған ортаны қорғау әдістерін де меңгеруде. 

Толығырақ:

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×