МАРАПАТТАРЫ

Атырау облысының Экология департаменті 1-санаттағы кәсіпорындармен жұмыс кеңесін өткізді. Кеңесте атмосфераға шығарылатын ластаушы заттардың көлемін азайту, қоршаған ортаға жалпы әсерді төмендету және өңір кәсіпорындарында ең озық қолжетімді технологияларды (ЕҚТ) енгізу перспективалары талқыланды.

Кәсіпкерлік субъектілерінің экологиялық жауапкершілігіне және біртіндеп орнықты әрі қауіпсіз өндірістік шешімдерге көшу қажеттілігіне ерекше назар аударылды. Кеңес аясында Экологтар күніне арналған марапаттау рәсімі өтті. Онда ҚР Экология және табиғи ресурстар министрлігіне қарасты Экологиялық реттеу және бақылау комитетінің атынан «West Dala» ЖШС-нің бас экологы Айнагүл Наурызбаева Алғыс хатпен марапатталды.

Кәсіби шеберлігі мен қоршаған ортаға теріс әсерді азайту бойынша белсенді еңбегі үшін шын жүректен құттықтап, алғысымызды білдіреміз!

 

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×