КӨРСЕТКІШТЕР

Жоғары деңгейлі жұмыс

West Dalа сервистік компаниясының қызметінде көлік пен өндірістегі еңбек қауіпсіздігі мен қаржылық және кадрлық бақылауға ерекше назар аударылады. Бұл бағыттардағы жұмысқа кәсіби көзқарас осы жылдың сәуір айында жүргізілген ТШО аудиттерімен расталды.

ТШО Өндірістік қатынастар бөлімі ай сайынғы аудит қорытындысына сай Кадрлар және бухгалтерия бөлімінің құжаттамасына жоғары баға берді (94%). Kөлік құралдарын басқарудың негізгі аудиті – MVS нәтижесі бойынша West Dala компаниясы ең жоғарғы «жасыл» деңгей – «Grade A» деңгейіне ие болды. Жылдық CHESM аудитінің (Contractor HSE Management Qualification –мердігерлік ұйымдардағы ЕҚ, ҚТ және ҚОҚ мәселелерін басқару жөніндегі ТШО процесі) қорытындысы бойынша да компанияға жоғары баға берілді (94%). Осылайша, West Dala компаниясы «Grade A» жоғары рейтингі мәртебесін сақтап қалды.

Жүргізілген тексерулер компаниядағы денсаулық сақтау, еңбек қатынастары және қоршаған ортаны қорғау жүйесі ТШО талаптарына толық сәйкес келетіндігін көрсетті. West Dala компаниясы ТШО мен Қазақстан заңнамасының барлық талаптарын сақтай отыра жұмысын жалғастырмақ.

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×