КЕЛУ

Атырау қалалық мәслихатының депутаттары өндірістік қалдықтармен жұмыс істеу саласындағы әдістер мен технологиялармен және олардың қоршаған ортаға әсерімен танысу мақсатында «West Dala» компаниясының Қалдықтарды басқару кешенінде (ҚБК) болды.

«West Dala» мұнай-газ саласындағы ұйымдарға, сауда және халыққа қызмет көрсету кәсіпорындарына, медициналық ұйымдарға, сондай-ақ әртүрлі компанияларға қалдықтарды басқару бойынша қызметтердің толық кешенін ұсынады. «West Dala» қызметі Қазақстан Республикасының заңнамасына сәйкес рұқсаттар: қызмет түрлеріне лицензиялар, бірінші санаттағы объектілерге қоршаған ортаға әсер етуге рұқсаттар, объектілерге санитарлық-эпидемиологиялық қорытындылар және басқа да құжаттар негізінде жүзеге асырылады.

Махамбет ауданындағы «Атырау-Орал» тас жолының 8 шақырымында орналасқан Қалдықтарды басқару кешені (ҚБК) ағынды және сарқынды суларды басқаруға арналған заманауи қондырғылармен жабдықталған. ҚБК-де депутаттарға нысандағы кешенді басқару тізбегі көрсетілді: қалдықтардың қалай қабылданатыны, қалдықтардың сұрыпталуы, өндірістік ағынды сулар мен сұйық қалдықтардың тазартылуы; қалдықтарды экологиялық қауіпсіз жоғары температурада кәдеге жарату; қалдықтарды залалсыздандыру; қалдықтарды демеркуризациялау; химиялық сұйық және қатты қалдықтарды, тамақ, медициналық және басқа да қалдықтар түрлерін өңдеу. Кешендегі барлық қондырғылар түтін газдарын тазартудың көп сатылы деңгейлерімен жабдықталған, осылайша қондырғылардағы жану кезіндегі газдар тазартылады және қоршаған ортаға зиян келтірмейді, бұл аккредиттелген зертхананың бақылау нәтижелерімен расталады.

ҚБК-ін аралаған депутаттар нысандағы жұмыстың жоғары деңгейде ұйымдастырылғанын, аумақтың тазалығы мен санитарлық нормалардың сақталуын атап өтті.

Өз кезегінде «West Dala» компаниясының өкілдері депутаттарға құрылыс қалдықтары, шыны қалдықтары, аккумуляторлар және басқа да қалдықтарға қатысты саланың түйткілді мәселелерін айтты. Сондай-ақ, кездесу барысында қазіргі уақытта өңірде кейбір жосықсыз компаниялар тарапынан медициналық қалдықтармен кәсіби емес қарым-қатынас байқалғаны, бұл өңірдің экологиясына зиян келтіретіні атап өтілді.

 

 

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×