KAZSERVICE ЖӘНЕ ТШО СЕМИНАРЫ

KazService Мұнайсервистік компаниялар одағы мен «Теңізшевройл» ЖШС (ТШО) ұйымдастырған «Тауарлардағы жергілікті қамту: ел мен саланың стратегиялық дамуы» тақырыбындағы семинар 11 қазанда Атырауда өтіп, компанияның ірі жобаларына отандық өндірушілерді тарту алаңына айналды. Семинарға 50-ден астам кәсіпорынды ұсынған 160-тан астам адам қатысты.

Шарада спикерлер ретінде KazService Мұнайсервистік компаниялар одағы Президиумының Төрағасы Рашид Жақсылыков, ҚР Энергетика Вице-министрі Құдайберген Арымбек, Атырау облысының әкімі Серік Шапкенов, «Ғылым қоры» АҚ Басқарма Төрағасы Камиль Акатов, «Атамекен» ҰКП Басқарма Төрағасының орынбасары Мұрат Амрин, «Теңізшевройл» ЖШС Бас директоры Кевин Лайон, Батыс аймақ бойынша «Өнеркәсіпті дамыту қоры» АҚ өкілі Марат Жарылқасынов, мұнай-газ секторының негізгі компанияларының топ-менеджерлері және саладағы жетекші сарапшылар сөз сөйледі.

«ТШО өкілдері компанияның ККЖ-ҰЕҚБЖ іске қосылғаннан кейін, бұрын КТЖ және ЕБЗ зауыттарына орнатылған жабдықтарға және 3GP және 3GI зауыттарының жаңа жабдықтарына техникалық қызмет көрсетуге көбірек көңіл бөлетінін айтты. Сондай-ақ, компания жергілікті компаниялардың арқасында тауар жеткізудегі қазақстандық қамтудың артуын күтуде, және бұл қолдау табуда: бүгін семинарда жергілікті тауар жеткізуші компаниялармен екі келісімшартқа қол қойылды», - деп атап өтті Теңіздегі «West Dala» ЖШС жобалар жетекшісі Виктор Қысыков.

Еске салсақ, біздің компания 2008 жылдан бастап ТШО-ның серіктесі болып келеді және өндірістік және тұрмыстық қалдықтарды кешенді басқару бойынша қызмет көрсетеді. Серіктестік ынтымақтастық бірнеше мердігерлік қызмет көрсету келісімшарттарымен, сондай-ақ шебер келісімдермен бекітілген, олар «West Dala» ЖШС-ін қалдықтарды басқару саласындағы жетекші компаниялардың бірі ретінде атап көрсетеді, резервуарларды ішіне адам кірмей-ақ тазартуға мүмкіндік беретін заманауи шешімдерді пайдаланып, кез келген күрделіліктегі тапсырмаларға технологиялық шешімдер ұсына алатын жоғары кәсіби қызмет көрсетуге дайын екенін дәлелдейді.

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×