GEWR’2021

West Dalа өкілдері 1-2 шілдеде Нұр-Сұлтанда өткен «GREEN ENERGY & WASTE RECYCLING FORUM» (GEWR) Еуразиялық бизнес-форумына қатысты.  

Қалдықтарды және қалпына келетін энергияны басқару бойынша Орталық Азиядағы ең ірі оқиғаға саланың жетекші компаниялары, салалық министрліктер, БҰҰ ДБ және «жасыл» экономика саласындағы GIZ жобасының халықаралық сарапшылары, «Оператор РОП» ЖШС және экологиялық қауымдастықтар қатысты.  

«Форумның ашылуы символдық күнге сәйкес келіп тұр: Экологиялық кодекстің жаңа редакциясы күшіне енді», - деп хабарлады форумның ашылуында ҚР Экология, геология және табиғи ресурстар вице-министрі Ахметжан Примкулов. Шынымен де, панельдік пікірсайыстарда компаниялардың жаңа Экокодекс жағдайындағы жұмысына көп көңіл бөлінді. West Dalа өкілдері барлық пікірсайыстарға белсенді қатысып, кодекстің түсіндіруді қажет ететін баптары бойынша сауалдар қойды. Сондай-ақ, форумның бірінші күні «жасыл» экономикаға ауысу және ҚТҚ секторындағы инфрақұрылымды жетілдіру тақырыптары қозғалды.  

GEWR форумының екінші күні қызықты пікірсайыстармен және нарық қатысушыларының баяндамаларымен есте қалды. «Тәуекелсіз өнеркәсіптік қалдықтар» сессиясы барысында West Dalа компаняисының өндіріс жөніндегі департаментінің басшысы Нурлыбек Кенжегалиев сөз сөйледі. Оның баяндамасы Экокодекстің проблемалық баптарына арналды. Атап айтқанда, ол құрылыс қалдықтарын пайдалануға, пайдаланылған батареяларға, әйнекті қайта өңдеуге қатысты 301-бапқа егжей-тегжейлі тоқталды. West Dalа өндірісшісі сондай-ақ ЕОҚТ тізбесі (67-бап) тақырыбын және кейбір қалдықтарды пайдалану бойынша заңдастырылған ұлттық стандарттардың жоқтығы    мәселесін (351-бап) қозғады.  

Форум шараның алдын ала қорытындылары шығарылған, қалдықтарды басқару бойынша «KazWaste» Қазақстандық қауымдастық мүшелерінің жалпы жиналысымен аяқталды.    West Dala компаняисының өкілдері қатысқан жиналыстың күн тәртібі қайта қолданылатын ресурстарды жинау мен қайта өңдеу бойынша қоқыс шығаратын ұйымдар мен кәсіпорындардың мәселелерін талқылауды  қамтыды. Кәсіпорындардың қалдықтарды кешенді басқару және өнеркәсіптік қалдықтарды пайдалану бойынша проблемалық мәселелеріне жіті көңіл бөлінді. Сондай-ақ жиналыста қауымдастықтың одан арғы жұмыс істеу тәртібі қаралды.

 

 

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×