ESG

ESG - тұрақты дамудың жаңа векторы. Нұр-Сұлтандағы GEWR бизнес-форумында «Өнеркәсіптік қалдықтарды басқару бөлігіндегі ESG қағидаттары» панельдік сессиясында тұрақты даму тақырыбы кеңінен талқыланды. ESG-ні (Environmental, Social, Governance principles) «экология, әлеуметтік саясат және корпоративтік басқару» мағынасында ашуға болады, мұндағы E – компанияның қоршаған орта мен климатқа әсеріне қатысты мәселелер, S – қызметкерлермен, мердігерлермен, контрагенттермен қарым-қатынас сапасына қатысты мәселелер, G – корпоративтік басқару саласындағы мәселелер.

Пікірталасқа спикер ретінде KazEnergy қауымдастығының, ҚР Ұлттық экономика министрлігі жанындағы «Экономикалық зерттеулер институты» АҚ ESG сараптама орталығының, Тау-кен металлургия өндірістері қауымдастығының және West Dala компаниясының өкілдері қатысты. Қазақстанда «Атамекен» ҰКП корпоративтік басқарудың ұлттық кодексін қабылдады, онда ESG-ақпаратты айқындау басқарудың ашықтығын анықтайтын негізгі фактор болып табылады. 2021 жылдан бастап Қазақстан қор биржасы ESG міндетті есептілігін енгізді.

«Өнеркәсіптік қалдықтарды басқару саласындағы компаниялар үшін ESG тақырыбы өзекті бола түседі, өйткені көптеген салалар біртіндеп тұрақты даму моделіне көшуде. Атап айтқанда, бұл Қазақстанның мұнай-газ саласына қатысты», - деді форум спикері, West Dala Корпоративтік даму жөніндегі директоры Диас Хабиев.
Пікірталасқа қатысушылар ESG тұрақты даму тәсілдері компаниялардың бизнес жүргізуге деген көзқарасын жақсартып, олардың инвестициялық тартымдылығын арттыратынын бірауыздан атап өтті.

 

                                           

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×