Ерен еңбегі үшін

Қазақстан Республикасы Тәуелсіздігінің 30 жылдығы қарсаңындағы салтанатты іс-шара барысында West Dala компаниясының Бас директоры Салахаденов Қайрат Шәменұлы “Ерен еңбегі үшін” медалімен марапатталды. Атырау облысы тұрғындарының тобына өңірдің әлеуметтік-экономикалық дамуына қосқан үлесі, қоғам мен мемлекет алдында сіңірген еңбегі үшін марапатты ҚР мемлекеттік хатшысы Көшербаев Қырымбек Елеулұлы табыс етті.

Қайрат Шәменұлының еңбек жолы 14 жылдан бері West Dala-мен тығыз байланысты. Оның басшылығымен компания қалдықтарды кәсіби басқару саласында қарқынды дамып келеді. West Dala өңірдің дамуына қайта өңдеу саласындағы жобалармен ғана емес, сондай-ақ әлеуметтік қолдаумен де үлес қосатынын атап өту маңызды. Мұның барлығы Қайрат Шәменұлының бастамасы мен жеке қатысуының арқасында. "Бұл медаль - менің еңбегім ғана емес, бүкіл компанияның еңбегі мен жетістігі", - деді ол марапаттау кезінде.

Компания ұжымы еңбек сіңірген марапатымен құттықтайды және одан да үлкен жетістіктер тілейді!

  

                                                                             

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×