ДЕМЕУШІЛІК

Қазақстанда бокс сүйікті әрі танымал спорт түрі. Біз бәріміз рингте мықты позицияларды көрсететін спортшыларымызға қолдау көрсетеміз. Осы жазда West Dala компаниясы Ақтауда ADAL Promotion промоутерлік компаниясы ұйымдастырған кәсіби бокс кешінде жас әрі болашағы зор боксшы Нұрбек Орысбайдың демеушісі болды. Бірінші жартылай орта салмақтағы Нұрбек Орысбай (1-0, 1 КО) мен Айдос Тастаевтың (2-4, 1 КО) жекпе-жегі төрт раундқа есептелген. Төрешілердің бірауызды шешімімен қарсыласу Орысбайдың сөзсіз жеңісімен аяқталды. Осылайша, Нұрбек Орысбай кәсіби мансабында екінші жеңісіне жетті! West Dala компаниясы жас боксшыны осындай маңызды жеңісімен құттықтайды және рингте бұдан да үлкен табыстар тілейді! Қазақстандағы бокс гүлденіп, жанкүйерлеріне жарқын жеңіс сәттерін сыйлай берсін.

                 

Толығырақ:

West Dala компаниясы өзінің 20 жылдығын атап өтіп, компанияның негізін қалаған және батыс өңірдегі қалдықтарды басқару саласындағы көптеген жобалардың өндірістік процестеріне үлкен үлес қосқан құрметті қызметкерлерін марапаттады. 

West Dala компаниясы Х. Досмұхамедов атындағы университеттің экология факультетінің студенттері үшін «Қалдықтарды тиімді басқару: жіктеуден кәдеге жаратуға дейін» тақырыбында қонақ дәрісін өткізді.

Атырау қаласындағы Happy Choice мектебінің 2«А» сынып оқушылары алғаш рет West Dala компаниясының ҚБК өндірістік нысанына барды. Мұндай ерекше экскурсияның мақсаты – 2-сынып оқушылары Балғымбаев Альтаир мен Байбосын Балис жүргізіп жатқан «Менің қаламның экологиялық мәселелері» атты зерттеу жұмысы болды.

Биыл Көлік қызметкерлері күні 26 қазанға сәйкес келді. Біз West Dala компаниясының көлік бөлімі қызметкерлерін кәсіби мерекелерімен құттықтаймыз! Бұл мереке көлік жұмысының үздіксіз әрі қауіпсіз болуын қамтамасыз ететін барлық мамандарды біріктіреді — бұл біздің компанияның тұрақтылығы мен тиімділігінің негізі.

×