БҰҰ ЖАҺАНДЫҚ ШАРТЫ

БАСПАСӨЗ ХАБАРЛАМАСЫ

 

3 тамыз 2023 жыл                                                                                           Атырау қ.

 

ҚАЗАҚСТАНДЫҚ «WEST DALA» КОМПАНИЯСЫ

БҰҰ ЖАҺАНДЫҚ ШАРТЫНЫҢ ҚАТЫСУШЫ БОЛДЫ

 

2023 жылдың 31 шілдесі күні «West Dala» ЖШС әлемнің түкпір-түкпірінен 22,6 мыңнан астам компаниялар мен ұйымдарды біріктіретін тұрақты даму саласындағы жетекші ерікті бастама - БҰҰ Жаһандық шартына қосылды. https://unglobalcompact.org/what-is-gc/participants/159355-West-Dala-LLP

 «West Dala» ЖШС осы беделді халықаралық қауымдастықтың толыққанды мүшесі болған, қалдықтарды кешенді басқару бойынша қазақстандық бірінші компания болып табылады. Осылайша, «West Dala» ЖШС еңбек құқықтары, адам құқықтары, қоршаған ортаны қорғау және сыбайлас жемқорлыққа қарсы іс-қимыл саласындағы БҰҰ Жаһандық шартының қағидаттарына негізделген ашық, этикалық және адал іскерлік жүргізудің озық тәжірибесін сақтауға ұмтылысын көрсетеді.

«West Dala» ЖШС бас директоры, Қайрат Салахаденов: «Қазақстан Республикасындағы қалдықтарды кешенді басқару саласындағы көшбасшылардың бірі және жауапты жұмыс беруші бола отырып, біздің компания барлық стейкхолдерлер үшін өзінің ұзақ мерзімді маңыздылығын арттыру, өздері бар аймақтардың өркендеуіне нақты үлесін кеңейту және БҰҰ-ның Тұрақты даму мақсаттарына қол жеткізу үшін кезең-кезеңімен корпоративтік ESG-өзгерісін бастады. «West Dala» ЖШС-нің БҰҰ Жаһандық шартына қосылуы ұзақ мерзімді стратегиялық қадам болып табылады.    

Оның он қағидасы біздің корпоративтік мәдениетіміз бен іскерлік тәжірибеміздің ажырамас бөлігіне айналуда. БҰҰ Жаһандық шартына қосылу компанияға жаңа құзыреттер мен білімдерге қол жеткізуге, тәжірибемен жемісті алмасуға және әртүрлі әлеуметтік және экологиялық мәселелерді шешу үшін халықаралық бизнес қауымдастығымен тиімді ынтымақтастықты дамытуға мүмкіндік беретініне сенімдімін».

 

Қосымша ақпарат: «West Dala» ЖШС озық халықаралық және отандық тәжірибені енгізе отырып, 2005 жылдан бастап қалдықтарды кешенді басқаруды жүзеге асыруда. Кәсіпорынның Атырау, Маңғыстау және Батыс Қазақстан облыстарында полигондар мен мамандандырылған жабдықтарды қоса алғанда, қоқыс өңдеумен айналысатын 7 ірі кешені бар. 2022 жылы «West Dala» «Өндірістік қалдықтарды басқарудағы көшбасшы» қазақстандық қоғамдық сыйлығымен марапатталды.

 

«West Dala» ЖШС баспасөз қызметі

wdprmanager@westdala.isker.kz

 

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×