ҚАЙЫРЫМДЫЛЫҚ

West Dala компаниясы қалыптасқан дәстүрі бойынша ерекше қажеттіліктері бар және көп балалы отбасылардан шыққан балаларға көмек көрсетуді жалғастыруда. Жаңа жыл қарсаңында Атырау облысының Махамбет ауданындағы бүлдіршіндерге West Dala-дан 86 сыйлық жіберілді. Бейбарыс ауылындағы «Жас Дәурен» мәдениет үйінде тәттілер салынған жаңа жылдық жәшіктердің бір бөлігі салтанатты түрде табыс етілді.

Компания өкілі Қуанғали Елубаев балалар мен ата-аналарды келе жатқан мерекелерімен құттықтап, зор денсаулық, оқуда табыс тіледі. Сондай-ақ West Dala атынан Маңғыстау облысы Түпқараған ауданы мен Атырау облысы Мақат ауданынан келген бүлдіршіндерге сыйлықтар табысталды.

Жыл сайын облысымызда балаларға көңіл бөліп, қуанышқа бөлейтін жаңа жылдық іс-шаралардың бір бөлігі болып жатқанымызға қуаныштымыз.

 

 

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×