ҚАЙЫРЫМДЫЛЫҚ

Компания қайырымдылық қызметін жүргізіп, балалар үйіндегі мүгедек, жетім балалардың, Ұлы Отан соғысының ардагерлері мен ауданның тұрмыстық деңгейі төмен халқының қандай да бір қажеттіліктеріне қарай ақшалай көмек көрсету және әр түрлі мерекелерге сыйлықтар ұсыну жолымен оларға жыл сайын өз бетімен қолдау көрсетеді.

Сондай-ақ, компания Атырау және Маңғыстау облыстарының Аудандық Әкімдіктерімен өткізілетін әлеуметтік-мәдени іс-шараларға белсенді түрде қатысады. Компания “жасыл экономика” бағытын ұстанатындықтан, өндірістік база маңында орналасқан мектептер мен балабақшаларды көгалдандыруға ақшалай қаражат бөлуге тырысады.

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×