ҚАУІПСІЗ ЖҮРГІЗУ

West Dala компаниясының жүргізушісі Имашев Ришат НКОК ұйымдастырған тоқсан сайынғы жүргізушілер форумында IVMS есебі бойынша жоғары көрсеткіштері мен қауіпсіз жүргізгендігінің арқасында атап өтілді. Кәсіби жетістіктері үшін Имашев Ришатқа диплом және тапсырыс беруші тарапынан сыйлықтар табысталды. Бұл күтпеген жағдайлар кезінде үнемі кері байланыста болатын, тапсырыс берушінің сұрақтарына лайықты түрде жауап беретін, НКОК компаниясының «Өмірлік маңызды ережелерін» білетін әрі жұмысында қолданатын өз ісінің маманына өте лайықты марапат.

Айта кету керек, Имашев Ришат West Dala компаниясында 2010 жылдан бері жұмыс істейді, оның жүргізуші ретіндегі еңбек өтілі 39 жыл! Әріптестері Ришатты әрдайым өз тәжірибесімен бөлісіп отыратын, жаңа жұмысшыларға көмегін тигізетін жанашыр адам ретінде сипаттайды.

                                                             Имашев Ришатты марапатымен құттықтаймыз!

                           

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×