ATYRAU MARATHON 2025

Atyrau Marathon 2025 — күш пен командалық рухтың үлгісі. 5 қазан күні Атырауда қала күніне орай дәстүрлі сегізінші Atyrau Marathon өтті. Бұл шара 5 шақырымнан бастап толық марафон — 42,2 шақырым қашықтықты таңдаған 2 000-нан астам қатысушыны біріктірді.

Осы ірі марафонға біздің команда өкілі Гауhар Бекетаева да қатысты. Ол 42,2 шақырым қашықтықты 3 сағат 59 минутта жүгіріп өтіп 30–39 жас аралығындағы әйелдер арасында 1-орын,
сондай-ақ барлық әйел қатысушылар арасында 4-орынға ие болды! Бұл — жеке жеңіс қана емес, табандылық, ерік-жігер және тәртіптің әрқашан нәтижеге жеткізетінінің айғағы.

Гаухар Бекетаеваны тамаша жетістігімен құттықтаймыз! Біздің West Dala командасында осындай шабыт беретін адамдардың бар екені — үлкен мақтаныш. 

      

Толығырақ:

Биыл Көлік қызметкерлері күні 26 қазанға сәйкес келді. Біз West Dala компаниясының көлік бөлімі қызметкерлерін кәсіби мерекелерімен құттықтаймыз! Бұл мереке көлік жұмысының үздіксіз әрі қауіпсіз болуын қамтамасыз ететін барлық мамандарды біріктіреді — бұл біздің компанияның тұрақтылығы мен тиімділігінің негізі.

West Dala компаниясының бас технологы, жас маман Масалимова Минара Есболатқызы Атырау облысының аудандық деңгейінде өткен «Еңбек жолы – 2025» байқауында «Өндірістің үздік жас қызметкері» номинациясының жеңімпазы атанды.

Таза болашаққа бастар кішкентай қадамдар. Жуырда Binom мектебінде пластикалық қалдықтарға ұқыпты қарау тақырыбында тәрбие сағаты өтті. 3-сынып оқушылары бөтелке мен банка қақпақтарын жинап, олардан нағыз кілем мен түрлі бұйымдар жасады.

×