АЛҒЫС СЕРТИФИКАТЫ

Атырау облысындағы көктемгі су тасқыны аймақ тұрғындары үшін үлкен сынақ болды. Төтенше жағдай ешкімді бейжай қалдырған жоқ: табиғи апаттың салдарын жоюға мемлекетке көмек қолын созған қазақстандық компаниялардың қатарында «West Dala» ЖШС де бар еді.

Атырау қаласы мен жақын маңдағы аудандарды су басу қаупі өткеннен кейін, ТШО компаниясы облыс Әкімдігінің қолдауымен су тасқынына қарсы күресте барынша көмек көрсеткен бизнес серіктестерді марапаттады. Атап айтқанда, біздің қызметкерлер Жылыой ауданының Құлсары қаласында, Атырау қаласы мен оған жақын аумақтарда су тасқынына қарсы шараларға қатысты. Барлық техника мен көмек компания тарапынан тегін ұсынылды.

ТШО Бас директоры Кевин Лайон қол қойған Алғыс сертификатында компанияның жетістіктері атап өтілген: «Жедел әрекет еткеніңіз үшін, мызғымас адалдығыңыз және жан-жақты көзқарасыңыз үшін алғыс айтамыз. Бұл жергілікті халық пен персоналдың қауіпсіздігін қамтамасыз етуде, бизнестің үздіксіз жұмыс істеуінде, ресурстар мен инфрақұрылымды қорғауда маңызды рөл атқарды. Сіздің кәсіби мінез-құлқыңыз және ісіңізге деген адалдығыңыз ТШО өз бизнес серіктестерінен күтетін ынтымақтастықтың үлгісі болып табылады. Су тасқынына қарсы бастамаларымызға белсенді көмектескеніңіз үшін алғыс білдіреміз».

ТШО компаниясына жоғары бағалағаны үшін алғысымызды білдіреміз және Атырау облысын қолдауға бағытталған ортақ мақсаттарға қол жеткізу үшін әріптестікке адалдығымызды растаймыз.

 

Толығырақ:

Өткен жылдың қыркүйек айынан бастап Х. Досмұхамедов атындағы Атырау университетінде қалдықтарды басқару бойынша оқу бағдарламасы жүзеге асырылып келеді.

West Dala компаниясы 2009–2010 және 2011–2012 жылы туған жасөспірімдер арасында өткен облыстық ашық бокс турниріне демеушілік көрсетті.

West Dala компаниясының еріктілері «Атамекен Эко» қоғамдық қоры ұйымдастырған экологиялық акцияға қатысып, «Отбасы» саябағында ағаш отырғызу шарасына атсалысты. «Біздің әріптестеріміз өзге де белсенді азаматтармен бірге көшеттер отырғызып, ағаштарды әктеп, саябақты жасылдандыруға көмектесті», – дейді West Dala компаниясының тұрақты сенбілік қатысушысы Куангали Елубаев.

2025 жылғы 31 қаңтарда West Dala компаниясы Теңізде ККЖ жобасы аясындағы жұмысын аяқтады. Біздің серіктесіміз – Теңізшевройл – жобаның аяқталуына орай салтанатты жиын ұйымдастырып, үздік мердігерлерді марапаттады. Олардың қатарында Теңіздегі West Dala командасы да болды, ол күміс медальға ие болды. FGP/WPMP Talent Manager Ричард Морганның қолы қойылған Алғыс хатта бұл марапаттың айтарлықтай ықпал мен мінсіз қызмет көрсеткені үшін берілгені атап өтілді.

Биыл West Dala компаниясының нысандары халықаралық «Жер сағаты» экологиялық акциясына қайта қатысты. Акцияны қолдау мақсатында 20:30-дан 21:30-ға дейін ҚБК, ҚӨжОКП, «Теңіз», «Өзен», «Қошанай» нысандарында сыртқы және ішкі жарық көздерін өшіріп, табиғатқа ұқыпты қараудың және ресурстарды ұтымды пайдаланудың маңыздылығын еске салды.

×