АЛҒЫС ХАТ

Өткен жылдың соңғы күні біз үшін ерекше есте қаларлық әрі символикалық күн болды. Сол күні Атырауда экологиялық мәдениетті дамытуға елеулі үлес қосқан компаниялар мен белсенді азаматтар марапатталды.

Салтанатты жиында Атырау облысы әкімінің атынан «West Dala» компанияға алғыс хатты заң мәселелері департаментінің басшысы Нұрлан Өмірзақов алды. 

2024 жылы «Таза Қазақстан» бағдарламасы аймақтың мыңдаған тұрғынын біріктірді: 30 сенбілік ұйымдастырылып, оған 86 мыңнан астам азамат қатысты. Бірлескен күш-жігердің арқасында 1 776 тонна қоқыс жиналып, 1 522 техника жұмылдырылды. 

West Dala қызметкерлері әрдайым аймақты абаттандыру мен тазалық орнатуға шақыруларға үн қосты. Біз «Таза Қазақстан» бағдарламасына қатысқанымызды мақтан тұтамыз және осы бастаманы белсенді қолдаған барлық адамдарға алғысымызды білдіреміз!

Фото материалдары https://atpress.kz/ru/ сайтынан алынды.

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×