West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.
Көміртек нарықтары — ел деңгейінде де, компания деңгейінде де климаттық мақсаттарға қол жеткізудің негізгі құралдарының бірі. Олар парниктік газдар шығарындыларын қысқартуға күшті экономикалық ынталандыру қалыптастырып, инновациялық «жасыл» технологияларды енгізуге жол ашады.
West Dala компаниясы квоталауға жатпайды, себебі шығарындылар көлемі көмірқышқыл газының 20 мың тоннасынан аспайды. 2024 жылғы есептік кезеңде парниктік газдар шығарындылары 4 341,10432 тонна CO₂-экв. құрады, ал қамту салалары бойынша есептеулер келесідей болды:
• Scope 1 – 10 839,94 тонна CO₂-экв.
• Scope 2 – 2 277,04 тонна CO₂-экв.
• Scope 3 – 26 328,47 тонна CO₂-экв.
West Dala компаниясының өндірістік нысандары Қазақстан Республикасының экологиялық заңнамасына қатаң сәйкес жұмыс істейді және белгіленген шығарындылар нормативтерінен аспайды. Әрбір эмиссия көзі тәуелсіз аккредиттелген зертхана тарапынан тоқсан сайын мониторингтен өтеді. Мониторинг нәтижелері компания қызметі жүргізілетін өңірлерде қоршаған ортаның ластануына жол берілмейтінін растайды.
Толығырақ:
West Dala компаниясы Наурыз мерекесіне орай Атырау мүгедектер қоғамына азық-түлік себеттерін дайындап табыс етті. Биыл шағын көмек ретінде 8 қарт мүгедек адамға азық-түлік берілді.
Global Recycling Foundation бастамасымен бекітілген Дүниежүзілік қайта өңдеу күні аталып өтеді. Бұл күн ресурстарды ұтымды пайдалану және қайта өңдеу мәдениетін дамытуға назар аударуға бағытталған.
1000 күн бойы өндірістік жарақаттарсыз және еңбекке қабілеттілікті жоғалту жағдайларынсыз жұмыс істеу құрметіне, 13 наурыз күні West Dala компаниясының басшылығы Теңіз кен орнындағы мұнайшламын бөлу жобасының қызметкерлерін құттықтады.