Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.
West Dala компаниясы Мемлекет басшысының тапсырмасы аясында және «Таза Қазақстан» жалпыұлттық экологиялық акциясы шеңберінде өткен Маңғыстау облысы Түпқараған ауданындағы сенбілікке қатысты.
Аталған сенбілік Түпқараған ауданындағы туристік табиғи кешен — «Тамшалы» шатқалында санитарлық тазалау жұмыстарын жүргізуге бағытталды. Сенбілік барысында «Қошанай» кешенінің қызметкерлері қоқыс жинап, бекітілген аумақты ретке келтірді.
Ұйымдастырушыларға және барлық қатысушыларға қоршаған ортаны таза ұстауға қосқан белсенді үлестері үшін алғыс білдіреміз.
(1).jpeg)
(1).jpeg)
(1).jpeg)
(1).jpeg)