САЙТҚА КІРУ

«West Dala» компаниясының «Қошанай» қалдықтармен жұмыс жасау кешеніне (ҚЖК) «Аманат» партиясының Атқарушы хатшысы Тәңғұл Қайрат Боқанұлы және Түпқараған ауданы мәслихатының төрағасы Нұғманов Айсғали келді.

Кешен аумағын аралау барысында Компания мамандары экологиялық қауіпсіз жоғары температурада қалдықтарды залалсыздандыруға арналған инсинератордың жұмысын таныстырды. Қонақтарға тұрмыстық ағынды суларды қабылдап, қайта өңдеуге арналған тазарту құрылғылары мен тазартылған сулардың жинақтау тоғаны көрсетілді. Сондай-ақ мамандар мұнай және бұрғылау қалдықтарын термиялық өңдеуге арналған УЗГ қондырғысының жұмыс технологиясын түсіндірді.

Қонақтар кешеннің әртүрлі қалдықтарды қабылдау, сұрыптау, қайта өңдеу, көму және залалсыздандыру үшін арналған учаскелерімен танысты. Сапардың қорытындысы бойынша Тәңғұл Қайрат Боқанұлы мен Айсғали Нұғманов Қошанай кешенінің жұмысына жоғары баға беріп, мазмұнды экскурсия үшін алғыс білдірді.

Қоғам және мемлекеттік органдар өкілдерінің мұндай сапарлары «West Dala» ЖШС үшін өте маңызды. Біз әрқашан ашық диалогқа дайынбыз және компаниямызда қалдықтарды кешенді басқару үшін қолданылатын экологиялық қауіпсіз технологияларды көрсетуге әзірміз.

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

×