МАҢҒЫСТАУ НЫСАНДАР

Маңғыстаудағы еңбекті қорғау жоғары деңгейде

Ақтауда «West Dala» ЖШС-нің жоғарғы басшылығының қатысуымен көшпелі жұмыс жиналысы өтті. Онда Қошанай ҚЖК, Өзен ҚЖК және Баутино жобасының жылдық қорытындылары мен жақын арадағы өндірістік жоспарлары талқыланды. Іссапар аясында 2024 жылдың 3-4 тоқсандарының қорытындысы бойынша еңбек қауіпсіздігі мәдениетін дамытуға арналған салтанатты рәсім өтті. Жол қозғалысы қауіпсіздігі ережелерін мінсіз орындаған жүргізушілер мен еңбекті қорғау және қауіпсіздік бойынша бақылау парақтарын ұсынған қызметкерлер марапатталды. Бұл жұмыс орындарындағы қауіпсіздік деңгейін арттыруға ықпал етті. Маңғыстау өңірі бойынша еңбек қауіпсіздігі мен еңбекті қорғау саласында жетістіктерімен ерекшеленген 32 қызметкер мен мердігерлердің жұмысшылары құрмет грамоталары мен естелік сыйлықтарға ие болды:

• Қошанай ҚЖК-нен 22 қызметкер марапатталды.
• Баутино жобасынан – 4 қызметкер.
• Өзен ҚЖК-нен – 6 қызметкер.

Қайрат Шаменұлы Салахаденов, «West Dala» ЖШС Бас директоры: «Еңбекті қорғау мен қауіпсіздік ережелерін сақтау – бұл жай ғана талап емес, өмірді сақтап қалатын міндетті мәдениет. Әрбір қызметкердің қауіпсіздікке қосқан үлесі компанияның ортақ игілігі үшін қызмет етеді. Компанияның ең жоғары басымдылығы – қызметкерлер мен мердігерлердің өмірі мен денсаулығы. Еңбекті қорғау мәдениетінің басты қағидасы – “Өмір мен денсаулықты сақтау. Әрбір қызметкер үйіне аман-есен оралуы тиіс”. Бүгінгі таңда компания 658 күнді өндірістік жарақатсыз өткерді. Енді біздің мақсатымыз – 1000 күнге жету! Бұл қол жеткізілетін межеге айналады: кез келген оқиғаның алдын алуға болады».

Қайрат Шаменұлы Қошанай ҚЖК, Өзен ҚЖК және Баутино жобасының қызметкерлеріне нысандарды дамытуға қосқан үлесі үшін алғысын білдіріп, олардың компания құрылымындағы маңыздылығын атап өтті және барша қызметкерлерді Жаңа жылмен құттықтады «2025 жыл жемісті әрі қауіпсіз жыл болсын! Сіздерге және отбасыларыңызға бақыт пен жұмыста табыс тілеймін!».