West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.
Көміртек нарықтары — ел деңгейінде де, компания деңгейінде де климаттық мақсаттарға қол жеткізудің негізгі құралдарының бірі. Олар парниктік газдар шығарындыларын қысқартуға күшті экономикалық ынталандыру қалыптастырып, инновациялық «жасыл» технологияларды енгізуге жол ашады.
West Dala компаниясы квоталауға жатпайды, себебі шығарындылар көлемі көмірқышқыл газының 20 мың тоннасынан аспайды. 2024 жылғы есептік кезеңде парниктік газдар шығарындылары 4 341,10432 тонна CO₂-экв. құрады, ал қамту салалары бойынша есептеулер келесідей болды:
• Scope 1 – 10 839,94 тонна CO₂-экв.
• Scope 2 – 2 277,04 тонна CO₂-экв.
• Scope 3 – 26 328,47 тонна CO₂-экв.
West Dala компаниясының өндірістік нысандары Қазақстан Республикасының экологиялық заңнамасына қатаң сәйкес жұмыс істейді және белгіленген шығарындылар нормативтерінен аспайды. Әрбір эмиссия көзі тәуелсіз аккредиттелген зертхана тарапынан тоқсан сайын мониторингтен өтеді. Мониторинг нәтижелері компания қызметі жүргізілетін өңірлерде қоршаған ортаның ластануына жол берілмейтінін растайды.
Толығырақ:
Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.
Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.