KIOGE'24

KIOGE көрмесі – мұнай-газ саласындағы инновациялық технологияларды және саланың даму үрдістерін таныстыруға арналған беделді алаң.

West Dala компаниясы үшін көрменің маңызды бөлімдерінің бірі – «Мұнай-газ кен орындарындағы сервис көрсету қызметтері» және «Экологиялық қорғау қызметтері» болып табылады. Әріптестеріміз қалдықтарды тазартуға арналған жаңа препараттармен танысып, ірі компаниялардың семинарларына қатысты. Атап айтқанда, «Қаламқас Хазар жобасында жергілікті қамтуды дамыту және отандық өндірушілерді қолдау» тақырыбындағы семинарға барды.

KIOGE аясында Қазақстанның мұнайсервистік компаниялар одағы «Kazservice» мүшелерінің жалпы жиналысы өтіп, онда ұйымның қызметі, мұнайсервис бизнесін мемлекеттік реттеу мәселелері және заңнамалық бастамалар талқыланды.

 

 

 

Толығырақ:

West Dala компаниясының мамандары – эколог Айнагүл Сағиева және бас технолог Минара Масәлімова 2026 жылғы 2–3 шілде күндері Астана қаласында өткен «Жасыл энергия және қалдықтарды қайта өңдеу» X Еуразиялық бизнес-форумына (GEWR’26) қатысты.

West Dala командасы Атырау облысы бойынша Экология департаменті ұйымдастырған «Таза жағалау» экологиялық акциясына қатысып, басқа да ұйымдармен бірге Атырау ықшам ауданының жағалау аумағын тазалау жұмыстарына белсене атсалысты.

Орал қаласында West Dala компаниясы «Өңірдің болашағы: Даму стратегиясы» атты II өңірлік инвестициялық форумға қатысты.

Халықаралық балаларды қорғау күніне орай «Вест Дала» ЖШС Атырау облысы Махамбет ауданы Бейбарыс ауылдық округінің балаларына қайырымдылық көмек көрсетті. Жиырма бес бүлдіршіннің әрқайсысына «Балалар әлемі» дүкенінен қажетті заттарды сатып алуға арналған номиналы 25 000 теңгелік сыйлық сертификаттары табыс етілді.

×