Атырау қалалық мәслихатының депутаттары өндірістік қалдықтармен жұмыс істеу саласындағы әдістер мен технологиялармен және олардың қоршаған ортаға әсерімен танысу мақсатында «West Dala» компаниясының Қалдықтарды басқару кешенінде (ҚБК) болды.

«West Dala» мұнай-газ саласындағы ұйымдарға, сауда және халыққа қызмет көрсету кәсіпорындарына, медициналық ұйымдарға, сондай-ақ әртүрлі компанияларға қалдықтарды басқару бойынша қызметтердің толық кешенін ұсынады. «West Dala» қызметі Қазақстан Республикасының заңнамасына сәйкес рұқсаттар: қызмет түрлеріне лицензиялар, бірінші санаттағы объектілерге қоршаған ортаға әсер етуге рұқсаттар, объектілерге санитарлық-эпидемиологиялық қорытындылар және басқа да құжаттар негізінде жүзеге асырылады.

Махамбет ауданындағы «Атырау-Орал» тас жолының 8 шақырымында орналасқан Қалдықтарды басқару кешені (ҚБК) ағынды және сарқынды суларды басқаруға арналған заманауи қондырғылармен жабдықталған. ҚБК-де депутаттарға нысандағы кешенді басқару тізбегі көрсетілді: қалдықтардың қалай қабылданатыны, қалдықтардың сұрыпталуы, өндірістік ағынды сулар мен сұйық қалдықтардың тазартылуы; қалдықтарды экологиялық қауіпсіз жоғары температурада кәдеге жарату; қалдықтарды залалсыздандыру; қалдықтарды демеркуризациялау; химиялық сұйық және қатты қалдықтарды, тамақ, медициналық және басқа да қалдықтар түрлерін өңдеу. Кешендегі барлық қондырғылар түтін газдарын тазартудың көп сатылы деңгейлерімен жабдықталған, осылайша қондырғылардағы жану кезіндегі газдар тазартылады және қоршаған ортаға зиян келтірмейді, бұл аккредиттелген зертхананың бақылау нәтижелерімен расталады.

ҚБК-ін аралаған депутаттар нысандағы жұмыстың жоғары деңгейде ұйымдастырылғанын, аумақтың тазалығы мен санитарлық нормалардың сақталуын атап өтті.

Өз кезегінде «West Dala» компаниясының өкілдері депутаттарға құрылыс қалдықтары, шыны қалдықтары, аккумуляторлар және басқа да қалдықтарға қатысты саланың түйткілді мәселелерін айтты. Сондай-ақ, кездесу барысында қазіргі уақытта өңірде кейбір жосықсыз компаниялар тарапынан медициналық қалдықтармен кәсіби емес қарым-қатынас байқалғаны, бұл өңірдің экологиясына зиян келтіретіні атап өтілді.

 

 

Толығырақ:

Форум аясында тұрақты қаржыландыру, шағын және орта бизнесті дамыту, жауапты жеткізу тізбектерін қалыптастыру, сондай-ақ бизнестің әлеуметтік және экологиялық мәселелерді шешуге қосатын нақты үлесі талқыланды.

Қазақстан Республикасы Тәуелсіздігінің 35 жылдығына орай «Жаңа Қазақстан» Республикалық инновациялық орталығы мен «Даму» Халықаралық инновациялық орталығының ұйымдастыруымен «Экология саласының үздігі» республикалық байқауы өтті.

Экологиялық акцияға «West Dala» компаниясының әртүрлі объектілерінің қызметкерлері қатысты. Сондай-ақ бұл шараға Атырау облысының Экология департаменті қолдау білдіріп, ортақ мақсатқа өз үлесін қосу арқылы атсалысты.

Қазақстан Республикасы күні қарсаңында West Dala қызметкерлері Атырау облысының Экология департаменті ұйымдастырған Атырау қаласының Самал шағынауданындағы сенбілікке қатысты.