GEWR'22 НӘТИЖЕЛЕРІ

GEWR-2022 форумы жұмысының екі күні қалдықтарды басқару және жасыл энергия, қалдықтармен жұмыс істеу саласындағы үздік әлемдік және ұлттық тәжірбиелер мен құзыреттермен алмасу мәселелерін талқылауда Қазақстан мен ТМД және Орталық Азия елдері жетекші алаң мәртебесін бекітті.

Форумда Қазақстанда қалдықтарды басқару жүйесін реформалау бойынша жұмыс жалғасатыны ерекше атап өтілді. Қалдықтарды басқару секторына тартылған мүдделі тараптардың өзара жұмыстары мен ынтымақтастығы нығайып, күшейтіле береді.

Ынтымақтастық үшін түйінді тұжырымдар мен бағыттар:
● Қалдықтарды басқару саласындағы аймақтық ынтымақтастықты дамыту
● ӨКМ жүйесін реформалауға қалдықтарды басқару бойынша өндірушілердің, импорттаушылардың, кәсіпорындардың белсенді қатысуы
● Экологиялық кодекстің талаптарын іске асыру саласында ЖАО қызметін күшейту
● Қалдықтарды басқару жүйесіне ESG принциптерін енгізу
● Қалдықтарды қайта өңдеу және кәдеге жарату саласындағы технологиялық шешімдерді дамыту
● Өнім өндіру және орау, қайталама шикізатты, соның ішінде пластик пайдалану саласындағы кедергілерді жою
● Қалдықтарды басқару саласындағы МЖӘ жобаларын жандандыру
● Қалдықтарды басқару саласындағы ЕҚТ қағидаттарына көшу және басқа да мәселелер.

Форум аясында Waste Management Awards II қоғамдық сыйлығымен марапаттау өтті, 42 үміткер арасынан 8 компанияның жетістіктері атап өтілді. Сыйлық жеңімпаздарын сараптама комиссиясы берілген өтінімдерді бағалау және балл беру нәтижелері бойынша анықтады.

Сондай-ақ, форум шеңберінде қалдықтармен жұмыс істеу, қалдықтарды жинау және қайта өңдеу бойынша кәсіп, өнеркәсіптік қалдықтар және басқа да мүдделі тараптар саласындағы жабдықтарды өндіру жөніндегі компаниялардың өкілдері арасында B2B кездесулер өткізілді.

Осылайша, ұлттық және өңірлік деңгейлерде қалдықтарды қайта өңдеу және жасыл энергетика салаларын ынталандыру үшін шешімдерді іздестіруге негізделген форумның мақсатына қол жеткізілді деп санауға болады.

 

Толығырақ:

West Dala компаниясы үшінші жыл қатарынан парниктік газдар шығарындыларын халықаралық GHG Protocol стандартына және Қазақстан Республикасының парниктік газдар шығарындыларын реттеу бөлігіндегі экологиялық заңнама талаптарына сәйкес бағалап келеді.

Жаңа жыл қарсаңында West Dala компаниясы Атырау және Маңғыстау облыстарының 570 баласын құттықтады.  Мүгедек балаларды қолдау қорының, «Беркан» ми орталығының, Ю. А. Гагарин атындағы мектебінің  қамқорлығындағылар, сондай-ақ Алмалы ауылдық округінің, Түпқараған, Мақат, Махамбет және Қызылқоға аудандарынан келген балалар жаңа жылдық сыйлықтар мен мерекелік көңіл-күй алды.

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды.

Биыл West Dala компаниясы өзінің 20 жылдық мерейтойына орай жыл бойы түрлі іс-шаралар өткізді. Алайда нағыз мерейтой лайықты түрде аталып өтуі тиіс, сондықтан 5 желтоқсанда өткен бизнес-кеште біз West Dala компаниясының 20 жылдығын осы жолда бірге болған әріптестерімізбен, серіктестерімізбен және клиенттерімізбен атап өттік. Н. Ө. Балғымбаев атындағы коммуникациялар дамыту орталығында шамамен 100 қонақ жиналып, компанияның қалыптасу жолын еске алып, жетістіктерімізді бірге атап өтті.

×