West Dala компаниясының мамандары – эколог Айнагүл Сағиева және бас технолог Минара Масәлімова 2026 жылғы 2–3 шілде күндері Астана қаласында өткен «Жасыл энергия және қалдықтарды қайта өңдеу» X Еуразиялық бизнес-форумына (GEWR’26) қатысты. Бұл – Орталық Азиядағы қалдықтарды басқару саласының болашағы мен жасыл экономиканы дамыту мәселелерін талқылайтын ең ірі алаң.

GEWR’26 форумында мемлекеттік органдардың, бизнес қауымдастығының, халықаралық ұйымдардың өкілдері мен сарапшылар Орталық Азияда айналым экономикасын дамыту, инвестициялар тарту, инновациялық технологияларды енгізу әрі қалдықтарды басқару жүйесін жаңғырту бойынша практикалық шешімдерді талқылады.

Форумда көтерілген тақырыптар Мемлекет басшысы белгілеген тұрақты даму міндеттері аясында ерекше өзекті. Бүгінде қалдықтарды басқару мәселесі экологиямен ғана емес, сонымен қатар халық денсаулығымен, қалаларды дамытумен және тұрақты экономикалық өсіммен де тығыз байланысты.

Waste Management Awards (WMA) 2026 марапаттау рәсімі барысында West Dala компаниясы кезекті рет өз мәртебесін дәлелдеп, «Өнеркәсіптік қалдықтарды басқару саласындағы көшбасшы» номинациясының жеңімпазы атанды. Бұл – қалдықтарды басқару саласындағы үздік жетістіктер мен инновациялар үшін берілетін тәуелсіз қоғамдық сыйлық. Марапаттау рәсімі 2018 жылдан бері KazWaste қауымдастығының бастамасымен GEWR бизнес-форумы аясында екі жыл сайын өткізіліп келеді.

 

 

 

 

 

Толығырақ:

Форум аясында тұрақты қаржыландыру, шағын және орта бизнесті дамыту, жауапты жеткізу тізбектерін қалыптастыру, сондай-ақ бизнестің әлеуметтік және экологиялық мәселелерді шешуге қосатын нақты үлесі талқыланды.

Қазақстан Республикасы Тәуелсіздігінің 35 жылдығына орай «Жаңа Қазақстан» Республикалық инновациялық орталығы мен «Даму» Халықаралық инновациялық орталығының ұйымдастыруымен «Экология саласының үздігі» республикалық байқауы өтті.

Экологиялық акцияға «West Dala» компаниясының әртүрлі объектілерінің қызметкерлері қатысты. Сондай-ақ бұл шараға Атырау облысының Экология департаменті қолдау білдіріп, ортақ мақсатқа өз үлесін қосу арқылы атсалысты.

Қазақстан Республикасы күні қарсаңында West Dala қызметкерлері Атырау облысының Экология департаменті ұйымдастырған Атырау қаласының Самал шағынауданындағы сенбілікке қатысты.