ФОРУМЫ

«Эко-Әріптестік» форумы

20 ақпанда KPO B.V. компаниясының ұйымдастыруымен «Эко-Әріптестік» форумы өтті. Іс-шара барысында негізгі экологиялық мәселелер, 2024 жылдың қорытындылары және қоршаған ортаны қорғау саласындағы ынтымақтастықты одан әрі дамыту мүмкіндіктері талқыланды.

Ануар Мұкиев, West Dala компаниясының БҚО бойынша аймақтық менеджері - "Форум спикерлері бизнес-серіктестердің назарын нормативтік құжаттарды әзірлеу кезінде маңызды аспектілерге, сондай-ақ жұмыстардың көлемі мен түрлері өзгерген жағдайда уақтылы анықтау және хабарлау қажеттілігіне аударды. Кездесу, сондай-ақ, кен орнында экологиялық бақылау жүргізетін Тапсырыс берушінің барлық өкілдерімен байланыс орнатуға мүмкіндік берді. Жалпы, форум көптеген оң әсер қалдырып, West Dala үшін KPO B.V.-дің серіктесі ретінде пайдалы болды".

                        

Толығырақ:

West Dala компаниясының мамандары – эколог Айнагүл Сағиева және бас технолог Минара Масәлімова 2026 жылғы 2–3 шілде күндері Астана қаласында өткен «Жасыл энергия және қалдықтарды қайта өңдеу» X Еуразиялық бизнес-форумына (GEWR’26) қатысты.

West Dala командасы Атырау облысы бойынша Экология департаменті ұйымдастырған «Таза жағалау» экологиялық акциясына қатысып, басқа да ұйымдармен бірге Атырау ықшам ауданының жағалау аумағын тазалау жұмыстарына белсене атсалысты.

Орал қаласында West Dala компаниясы «Өңірдің болашағы: Даму стратегиясы» атты II өңірлік инвестициялық форумға қатысты.

Халықаралық балаларды қорғау күніне орай «Вест Дала» ЖШС Атырау облысы Махамбет ауданы Бейбарыс ауылдық округінің балаларына қайырымдылық көмек көрсетті. Жиырма бес бүлдіршіннің әрқайсысына «Балалар әлемі» дүкенінен қажетті заттарды сатып алуға арналған номиналы 25 000 теңгелік сыйлық сертификаттары табыс етілді.

×