CHESM ФОРУМЫ

«Тенгизшевройл» ЖШС Мердігерлердің денсулық, қоршаған ортаны қорғау және еңбек қауіпсіздігін басқару жүйесі (CHESM) бойынша Бизнес-серіктер форумын өткізді. Компанияның бизнес-серіктері жарақатсыздық нәтижелеріне қол жеткізу тәжірибесімен бөлісу, сондай-ақ Мердігер ұйымдардың қауіпсіздігі, еңбекті қорғау, денсаулық және қоршаған ортаны қорғау мәселелерін талқылау үшін ТШО-ның бас кеңсесінде жиналды.

ТШО-ның жоғары басшылығы мен компанияның негізгі серіктерінің топ-менеджерлерінің қатысуымен өткен іс-шара, Мердігер ұйымдар үшін өнеркәсіптік қауіпсіздіктің, еңбекті қорғау, денсаулық және қоршаған ортаны қорғаудың ең маңызды аспектілері бойынша ынтымақтастықты нығайтуға және ашық диалогқа бағытталған.

Форумға қатысқан «West Dala» ЖШС өкілдері, Теңгіздегі жобалар басшысы Виктор Кысыков және Өнеркәсіптік қауіпсіздік және Еңбекті қорғау департаментінің басшысы Бағдат Дуйсебаев: «Мұндай бастамалар жұмыс ортасының апатсыз болуы мен тұрақты дамуды құруға деген біздің ортақ ұмтылысымызды нығайтады. Сондай-ақ олар ілгері тәжірибелермен алмасуға, заманауи қиындықтарды талқылауға және CHESM стандарттарын бірлесіп арттыру үшін тиімді шешімдер іздеуге көмектеседі», - деп атап өтті.

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

×