БІЛІМ БЕРУ

13 желтоқсан күні БҰҰ Жаһандық шарты мен Қазақстандағы БҰҰ кеңсесі серіктестігінің аясында Климаттық амбициялар акселераторы бағдарламасының қорытындылары шығарылды. West Dala компаниясынан экологтар Айнагүл Сагиева мен Светлана Сатанова қатысты. Бағдарламаның елшісі Корпоративтік даму жөніндегі директор Диас Хабиев болды.

Бағдарлама бизнес өкілдеріне тұрақты даму туралы білімдерін тереңдетуге және жаңа бастамаларды жүзеге асыруға шабыт берді.

Іс-шарада сондай-ақ БҰҰ Бас Ассамблеясы мен СОР29 климаттық конференциясының қорытындылары талқыланды. Бұл оқиғалар тұрақты даму мақсаттарына қол жеткізу үшін күш-жігерді біріктіру қажеттілігін айқындайды.

West Dala компаниясы 2023 жылдың шілде айында БҰҰ Жаһандық шартына қосылып, тұрақты болашаққа ықпал ететін жобаларға белсенді қатысуда.

 

 

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

×