Маусым айында West Dala тағы екі әлеуметтік жобаны қолдады, бұл жолы Форт-Шевченко қаласында.
1 маусым күні Жалау Мыңбаев көшесінде жаңа балалар алаңы ашылды. West Dala көмегімен қала балалары бос уақыттарын көңілді түрде әрі спортпен шұғылданып өткізе алады. Балалар нысанының ашылу салтанатына қала әкімі Шалқыбай Әзірбаев, ардагерлер кеңесінің мүшесі Қуаныш Жеткізгенов, ардагер және еңбек сіңірген сәулетші Жамаладин Есбергенов қатысты.
Сондай-ақ, West Dala Форт-Шевченко әкімдігіне қала көгалдарын суаруға қатысты өткір мәселені шешуге көмектесті: компаниядан 15 біркубты контейнер "Түпқараған су жүйесі" қалалық кәсіпорнына берілді, енді ол сыйымдылыққа су жинау есебінен уақытылы суара алады.
Қала әкімдігі Форт-Шевченко қаласының тұрғындары атынан West Dala басшысы Қайрат Салахаденовке экологиялық мәдениетті және қаладағы әлеуметтік жауапкершілікті дамытқаны үшін алғыс білдірді.
Толығырақ:
Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.
Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.