БҰҰ - ЖАҺАНДЫҚ ШАРТЫ

West Dala компаниясы 2023 жылы тұрақты даму және корпоративтік әлеуметтік жауапкершілік саласындағы ең ірі халықаралық бастама — БҰҰ-ның Жаһандық шартына (Global Compact) қосылды. Бүгінгі таңда БҰҰ-ның Жаһандық шартына Қазақстанның 52 компаниясы қатысушы болып табылады. Олар адам құқықтары, еңбек қатынастары, қоршаған ортаны қорғау және сыбайлас жемқорлыққа қарсы іс-қимыл салаларындағы БҰҰ қағидаттарын сақтауға, сондай-ақ БҰҰ-ның 17 Тұрақты даму мақсатын (ТДМ) өз қызметіне ерікті түрде енгізуге міндеттеме алған.

БҰҰ қайырымдылыққа негізделген серіктестіктен бизнеспен неғұрлым стратегиялық және жүйелі ынтымақтастыққа кезең-кезеңімен көшуде. Компаниялар экономикалық өсімді қамтамасыз етуде, жұмыс орындарын құруда, әлеуметтік және экологиялық мәселелерді шешуге арналған инновацияларды дамытуда, сондай-ақ климаттың өзгеруіне қарсы іс-қимылда шешуші рөл атқарады.

БҰҰ-ның Жаһандық шартының 10 қағидатын сақтау және 17 ТДМ-ды интеграциялаумен қатар, West Dala компаниясы жыл сайын мамандандырылған оқыту курстары мен тренингтерден өтеді, сондай-ақ БҰҰ-ның Жаһандық шарты аясындағы онлайн-семинарларға белсенді түрде қатысады. 2025 жылдың соңында компания қызметкерлері келесі оқу бағдарламалары бойынша сертификаттар алды:

  • «Бизнес және адам құқықтары» акселераторы — адам құқықтарын сақтау және тиісті тексеру (Due Diligence) рәсімдері саласында бизнестің қызметін жетілдіруге бағытталған алты айлық білім беру бағдарламасы;
  • «SDG Innovation for Young Professionals» акселераторы — болашақ бизнес-көшбасшылар мен өзгерістер агенттерінің әлеуетін дамытуға арналған тоғыз айлық қарқынды бағдарлама;
  • «Бизнестегі гендерлік теңдік және инклюзия» біркүндік тренингі — инклюзивті корпоративтік мәдениетті қалыптастыруға, тең мүмкіндіктерді қамтамасыз етуге, сондай-ақ кемсітпеу және әртүрлілік қағидаттарын бизнес-процестер мен персоналды басқару жүйесіне енгізуге арналған практикалық оқыту.

Акселераторлар аясында қатысушы компанияларға кейіннен өндірістік және бизнес-процестерге енгізілуі мүмкін жеке жобаларын әзірлеу мүмкіндігі беріледі.

   

                                                       

Толығырақ:

West Dala компаниясының мамандары – эколог Айнагүл Сағиева және бас технолог Минара Масәлімова 2026 жылғы 2–3 шілде күндері Астана қаласында өткен «Жасыл энергия және қалдықтарды қайта өңдеу» X Еуразиялық бизнес-форумына (GEWR’26) қатысты.

West Dala командасы Атырау облысы бойынша Экология департаменті ұйымдастырған «Таза жағалау» экологиялық акциясына қатысып, басқа да ұйымдармен бірге Атырау ықшам ауданының жағалау аумағын тазалау жұмыстарына белсене атсалысты.

Орал қаласында West Dala компаниясы «Өңірдің болашағы: Даму стратегиясы» атты II өңірлік инвестициялық форумға қатысты.

Халықаралық балаларды қорғау күніне орай «Вест Дала» ЖШС Атырау облысы Махамбет ауданы Бейбарыс ауылдық округінің балаларына қайырымдылық көмек көрсетті. Жиырма бес бүлдіршіннің әрқайсысына «Балалар әлемі» дүкенінен қажетті заттарды сатып алуға арналған номиналы 25 000 теңгелік сыйлық сертификаттары табыс етілді.

×