ҚАЗНЕФТЕГАЗСЕРВИС-2025

West Dala компаниясы Атырауда өткен «Қазнефтегазсервис-2025» XII жыл сайынғы конференциясына қатысты. Бұл – Қазақстандағы мұнай сервисі саласындағы негізгі оқиға, оны KazService мұнай сервисі компаниялары одағы ұйымдастырды. Конференцияда жергіліктендіру, қазақстандық компаниялардың ірі жобаларға қатысуын кеңейту, мұнай-химия саласын дамыту, сатып алу рәсімдерін оңтайландыру және жергілікті бизнесті қолдау мәселелері талқыланды. Негізгі спикерлер қатарында ТШО, NCOC, КПО, KXO, KMG PetroChem, Silleno компанияларының өкілдері және Катардан келген халықаралық серіктестер болды.

Виктор Қысықов, West Dala компаниясының Теңіздегі жобалар жетекшісі: Біз үшін басты тақырыптардың бірі – Атырау облысында мұнай-газ компанияларынан серіктестеріміздің өндірістерін жергіліктендіру және полиэтилен өндірісі жобасының басталуы болды. Сондай-ақ, конференцияның барлық алаңдарында мұнай-газ жобаларындағы қазақстандық қамту үлесін арттыру мәселесі көтерілді, бұл, сөзсіз, KazService қауымдастығының барлық қатысушылары үшін маңызды. Жалпы, «Қазнефтегазсервис-2025» конференциясы сала көшбасшыларымен іскерлік байланыстарды нығайту және серіктестік перспективаларын талқылау алаңына айналды.

                        

Толығырақ:

Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.

Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.

×