ҚАЙЫРЫМДЫЛЫҚ

Қалыптасқан дәстүр бойынша West Dala қызметкерлері Атырау қаласында, Мақат, Махамбет, Қызылқоға және Алмалы мен Береке ауылдық округтердегі жаңа жылдық қайырымдылық шараларына қатысты. Қала және аудан әкімдіктерімен ынтымақтастық ұзақ жылдар бойы жалғасып келеді. Біз жыл сайын жаңа жылдық шыршаларға ерекше миссиямен қатысатынымызға қуаныштымыз. Әріптестеріміз жыл сайын балаларды мерекелерімен жеке құттықтап, барлығына тәтті сыйлықтар сыйлайды.

Биылғы жылы жаңа жылдық рюкзак ​​сыйлықтарды Мақатта - 140 бала, Махамбетте - 84, Қызылқоғада -  100 бала, ал Алмалы мен Береке ауылдық округтарында  – 20 бала алды. Атырауда мүгедек балаларды қолдау қорының ерекше балаларға 50 сыйлық табыс етілді.

Желтоқсан айында іс-шараларда 400-ге жуық баланы құттықтауға мүмкіндік алдық. Компания қызметкерлерінің барлық балалары да тәтті сыйлықтарға ие болды.

Мұндай қайырымдылық шаралары әлеуметтік саясаттың бір бөлігі ғана емес, балалар мен олардың ата-аналарының көздерінен қуаныш көруге деген шынайы ниет.

 

 

 

 

Толығырақ:

West Dala компаниясының мамандары – эколог Айнагүл Сағиева және бас технолог Минара Масәлімова 2026 жылғы 2–3 шілде күндері Астана қаласында өткен «Жасыл энергия және қалдықтарды қайта өңдеу» X Еуразиялық бизнес-форумына (GEWR’26) қатысты.

West Dala командасы Атырау облысы бойынша Экология департаменті ұйымдастырған «Таза жағалау» экологиялық акциясына қатысып, басқа да ұйымдармен бірге Атырау ықшам ауданының жағалау аумағын тазалау жұмыстарына белсене атсалысты.

Орал қаласында West Dala компаниясы «Өңірдің болашағы: Даму стратегиясы» атты II өңірлік инвестициялық форумға қатысты.

Халықаралық балаларды қорғау күніне орай «Вест Дала» ЖШС Атырау облысы Махамбет ауданы Бейбарыс ауылдық округінің балаларына қайырымдылық көмек көрсетті. Жиырма бес бүлдіршіннің әрқайсысына «Балалар әлемі» дүкенінен қажетті заттарды сатып алуға арналған номиналы 25 000 теңгелік сыйлық сертификаттары табыс етілді.

×