West Dala 2023 жылғы жұмыс қорытындысы бойынша тапсырыс беруші ТШО компаниясы тарапынан АҚҚБ (автокөлік құралдарын қауіпсіз басқару) үздік көрсеткіштері үшін марапатталғанын қуана хабарлаймыз.
Шілде айының соңында West Dala компаниясында ISO 9001:2015, ISO 14001:2015, ISO 45001:2018 халықаралық стандарттарының талаптарына сәйкестік аудит-бақылау жүргізілді.
Аудитті Интертек (UKAS, Ұлыбритания) сертификаттау органы жүргізді. Тексеру барысында "Ішкі және сыртқы факторлар", "ИМЖ Тәуекелдерін басқару", "Экологиялық аспектілер бойынша ақпарат", "Аудит нәтижелері (ішкі және сыртқы)" талданды.
"Кезекті аудит-бақылау біздің компания интеграцияланған менеджмент жүйесінің (ИМЖ) қағидаттары мен міндеттемелерін толығымен қолданатынын растады.
Біз жұмыс барысындағы процестерді үнемі талдап, бағалап отырамыз", - деп West Dala компаниясының ИМЖ менеджері Әсем Сәрсенғалиева атап өтті.
Талдау нәтижелері бойынша қызметті жақсартуға қатысты мүмкіндіктер жедел енгізілетін болады.