West Dala Италия–Қазақстан Сауда Ассоциациясының (ACIK) жаңа мүшесі атанды.
ACIK Қазақстан мен Италия арасындағы сауда-экономикалық байланыстарды нығайту және бизнес жүргізу үшін қолайлы жағдайлар қалыптастыру мақсатында қазақстандық және италиялық компанияларды, сарапшыларды және кәсіби қауымдастықтарды біріктіреді.
Халықаралық серіктестік пен кәсіби диалогты дамытуға бағытталған Ассоциацияның мақсаттарын қолдай отырып, West Dala бұл мүшелікті өз позициясын нығайту және халықаралық ынтымақтастықты кеңейту жолындағы маңызды кезең ретінде қарастырады.
ACIK құрамындағы мүшелік West Dala үшін бірлескен бастамаларға қатысуға, тәжірибе алмасуға және Қазақстан–Италия серіктестігі аясында ұзақ мерзімді әріптестік байланыстарды дамытуға жаңа мүмкіндіктер ашады.
Толығырақ:
Х. Досмұхамедов атындағы университетте «Қалдықтарды және төгінділерді басқару» тақырыбында дәріс өтті. West Dala компаниясының экологтары — Айнагүл Сагиева мен Ислам Сағынбаев — студенттермен мазмұнды кездесу өткізіп, қалдықтармен экологиялық жауапты жұмыс істеудің негізгі принциптерін түсіндірді. Кездесуде қауіпсіз кәдеге жаратудың заманауи тәсілдеріне, экологиялық жүкті азайтуға және тұрақты ортаны қалыптастырудағы бизнестің рөліне баса назар аударылды.
Атырау облысында талантты жастарды қолдау және олардың ғылыми-зерттеу мен өнертапқыштық әлеуетін дамыту мақсатында «Инновациялық идеялар» байқауы өтті. Байқауға West Dala компаниясының мамандары — эколог Айнагүл Сағиева және бас технолог Минара Масалимова қазылар алқасының мүшелері ретінде шақырылды.