Серіктес туралы ақпарат
1979 жылы ашылған Қарашығанақ кен орны әлемдегі ең ірі газ-конденсатты кен орындарының бірі болып табылады. Ол Қазақстанның солтүстік-батысында орналасқан және 280 шаршы шақырымнан астам аумақты алып жатыр. Көмірсутектердің болжамды бастапқы баланстық қоры 9 миллиард баррель конденсатқа және 48 триллион текше фут газға бағаланады. Расталған алынатын қорлар 2,4 миллиард баррельден астам конденсат пен 16 триллион текше фут газды құрайды.
Нидерландыда құрылған және Қазақстан Республикасында тіркелген филиалы бар «Қарашығанақ Петролеум Оперейтинг Б.В.»(ҚПО) компанияларының бірлескен кәсіпорны болып табылады: Аджип Қарашығанақ Б.В., БиДжи Қарашығанақ Лимитед (Shell тобының компаниясы), Шеврон Интернешнл Петролеум Компани, ЛУКОЙЛ Оверсиз Қарашығанақ Б.В. және «Қарашығанақ ҚМГ» ЖШС.
ҚПО Қазақстан Республикасының Батыс Қазақстан облысындағы Қарашығанақ мұнай-газ-конденсат кен орнын игеру және пайдалану мақсатында құрылған.
ҚПО Б.В. және «West Dala» ЖШС серіктестігі туралы ақпарат
«West Dala» ЖШС 2011 жылы басталған және бүгінде табысты дамып келе жатқан көпжылдық сенімі мен жемісті серіктестігі үшін «Қарашығанақ Петролеум Оперейтинг Б.В.» компаниясына шын жүректен алғысын білдіреді. КПО-мен бірлесе отырып, әлемдегі ірі газ-конденсатты кен орындарының бірі — Қарашығанақ жобасының экологиялық қауіпсіздігін арттыруға, қалдықтарды басқару процестерін оңтайландыруға және тұрақты дамуына үлес қосу Компания үшін үлкен мәртебе.
2016 жылдан бастап Компания кейіннен тазарту мақсатында ҚПО нысандарынан өндірістік-жаңбыр сарқынды суларын жинау, тасымалдау және өңдеу бойынша жұмыстар кешенін орындап келеді. Бұл жұмыстар ҚПО-ның келесі нысандарының ластанған мұнай кәсіпшілігі аумақтарынан жиналған сарқынды суларды қамтиды: «Үлкен Шаған» МПС, 26-шы Желілік торап және «Атырау» терминалы.
2018 жылдан бастап Компания сұйық қалдықтарды қауіпсіз өңдеуді және олардың қоршаған ортаға әсерін азайтуды қамтамасыз ете отырып, кальций бромиді ерітіндісін қайта өңдеу және кәдеге жарату туралы келісімшартты жүзеге асыруда. Өндірістік қуаттарға мамандандырылған инфрақұрылым, қайта өңдеудің технологиялық желілері, қажетті жабдықтар мен білікті қызметкерлер кіреді, бұл қабылдау мен өңдеуден бастап қалдықтарды залалсыздандыру мен кәдеге жаратуға дейінгі жұмыстардың толық циклін орындауға мүмкіндік береді.
2023 жылдан бастап компания Қарашығанақ кен орнындағы Экоорталықта сұйық қалдықтарды тазарту қондырғысын (СҚТҚ) тәулік бойы пайдалануды және оған техникалық қызмет көрсетуді, оның ішінде қажетті жабдықты жалға беруді қамтамасыз етеді. Келісімшарт шеңберінде компания пайдаланылған бұрғылау ерітінділері мен тұзды ерітінділерді 100% қайта өңдеуді, бұрын жинақталған қалдықтар көлемін кезең-кезеңімен азайтуды, технологиялық кешеннің үздіксіз жұмысын, сондай-ақ қажетті технологиялық жабдықтарды беруді және оларға техникалық қызмет көрсетуді қамтамасыз етеді.
«West Dala» ЖШС Қарашығанақ кен орнында тікелей ҚПО үшін де, сондай-ақ мердігерлік ұйымдар үшін де қалдықтарды басқару қызметтерін көрсетеді. Мұндай ынтымақтастық Қарашығанақ жобасындағы қалдықтарды басқарудың жалпы жүйесін едәуір жақсартуға, экологиялық тәжірибелердің тиімділігін арттыруға және бүкіл өңір ауқымында қоршаған ортаға тиетін әсерді барынша азайтуға септігін тигізеді.